കായല്‍പരപ്പില്‍ അവധിക്കാലം ആഘോഷിക്കാം, കുമരകത്ത്

കുമരകം ഹ്രസ്വമായ ദേശ ചരിത്രം –

കേരളത്തിൽ അവധിക്കാലം ആഘോഷിക്കാന്‍ തെരഞ്ഞെടുക്കുന്നവര്‍ നിര്‍ബന്ധമായും സന്ദര്‍ശിക്കേണ്ട സ്ഥലമാണ് കുമരകം. വേമ്പനാട് കായല്‍തീരത്ത് കായൽ പാടശേഖരങ്ങളാൽ ചുറ്റപ്പെട്ട ,തെങ്ങിന്തോപ്പുകൾ അതിരിടുന്ന,  കണ്ടൽ കാടുകളാൽ സമൃദ്ധമായ പച്ചത്തുരുത്താണ് കുമരകം. വേമ്പനാട് കായലിലേക്ക് വന്നു ചേരുന്ന മീനച്ചിലാറിന്റെ കൈവഴികളായ … കവണാർ, പെണ്ണാർ, കൈപ്പുഴ തുടങ്ങിയ നദികളിൽ നിന്നുള്ള എക്കലടിഞ്ഞ് രൂപപ്പെട്ട കരയാണ് കുമരകം.

കുമരകം

കുമരന്റെ (സുബ്രഹ്മണ്യന്‍) അകം എന്നത് ലോപിച്ച് കുമരകം ആയതാണെന്നാണ് പഴമക്കാര്‍ പറയുന്നത്. ജന്മിമാരുടെ പണിയാളര്‍ക്ക് താമസിക്കാന്‍ ചെളിയും മണ്ണുമടിഞ്ഞു ചേര്‍ന്നിടം കുത്തിയെടുത്ത് കരഭൂമിയാക്കി തീര്‍ത്ത കുമരകം പ്രകൃതിയുടെ സഹായത്താല്‍ മനുഷ്യനിര്‍മിതമായ നാട് എന്നു വിളിക്കാം. വേമ്പനാട് കായല്‍ തന്നെയായിരുന്നു ആദികാലം മുതല്‍ കുമരകത്തിന്റെ അനുഗ്രഹം. കുമരകത്തെ ജനങ്ങള്‍ കായലിനെ ആശ്രയിച്ചു തന്നെയാണ് കഴിഞ്ഞുപോന്നത്.വേമ്പനാട് കായല്‍പരപ്പിലൂടെ ഹൗസ്ബോട്ടിലും ചെറുവള്ളങ്ങളിലും കറങ്ങാനും തെങ്ങിന്‍തോപ്പിലിരുന്ന് ചൂണ്ടയിടാനും ഇവിടെ അവസരമുണ്ട്.

വിദേശത്ത് നിന്ന് വരെ ദേശാടന പക്ഷികള്‍ വിരുന്നത്തെുന്ന സാലിം അലി പക്ഷിസങ്കേതമാണ് ഇവിടത്തെ മറ്റൊരു ആകര്‍ഷണം. ഗ്രാമങ്ങളെ വെട്ടിമുറിക്കുന്ന ഇടതോടുകളിലൂടെ വള്ളങ്ങളില്‍ സഞ്ചരിക്കുന്നതും രസകരമായ അനുഭൂതിയാണ്. വടക്കു വെച്ചൂർ അതിരിടുന്ന കുമരത്തിനു ഇടയ്ക്കുള്ള ചെറു ഗ്രാമങ്ങൾ എല്ലാം ഇന്ന് വിനോദ സഞ്ചാരികൾക്കു വേണ്ടി കാത്തിരിക്കുകയാണ്. തെക്കു ഭാഗത്തു പള്ളിക്കയാൽ / മെത്രാൻ കായൽ കടന്നാൽ ആലപ്പുഴയുടെയും, കൂടാനാടിന്റെയും സ്പന്ദനങ്ങളിലേക്കു ഒഴുകി ചെല്ലാവുന്നതാണ്ന. യനമനോഹരമായ ഗ്രാമീണ കാഴ്ചകള്‍ക്കൊപ്പം കരിമീന്‍ പൊള്ളിച്ചതും ചെമ്മീന്‍കറിയുമടക്കം തനത് രുചികളും ആസ്വദിക്കാന്‍ ഇവിടെ എപ്പോഴും സ്വദേശികളും വിദേശികളുമടക്കം സഞ്ചാരികളുടെ തിരക്കാണ്.

കുമരകം

ഭൂമിശാസ്ത്രപരമായ പ്രാധാന്യം

കോട്ടയത്ത് നിന്ന് 15 കിലോമീറ്റര്‍ അകലെയുള്ള കുമരകത്താണ് കായല്‍ നികത്തിയെടുത്ത കേരളത്തിലെ ആദ്യ കൃഷിയിടങ്ങള്‍ സ്ഥിതി ചെയ്യുന്നത്. സമുദ്രനിരപ്പിന് താഴെ സ്ഥിതി ചെയ്യുന്നതിനാല്‍ കുമരകം കേരളത്തിന്‍െറ നെതര്‍ലാന്‍റ്സ് എന്നും അറിയപ്പെടുന്നുണ്ട്. ആദ്യകാലത്ത് ചതുപ്പ് നിലങ്ങള്‍ മാമ്രമായിരുന്ന ഈ പ്രദേശത്തെ ഇന്നത്തെ കുമരകമാക്കിയത് എം.ജി.ബേക്കര്‍ എന്ന സായിപ്പാണ്. 1847ല്‍ അദ്ദേഹം കുമരകത്ത് എത്തുമ്പോള്‍ ഈ സ്ഥലത്തിന്‍െറ ഭൂരിഭാഗവും ചതുപ്പും ബാക്കി വേമ്പനാട് കായലിന് അടിയിലുമായിരുന്നു. രാജാവില്‍ നിന്ന് പാട്ടത്തിനെടുത്ത 500 ഏക്കര്‍ കഠിന പ്രയത്നത്തിലൂടെ പൊന്നുവിളയുന്ന കൃഷിഭൂമിയാക്കിയ ഇദ്ദേഹത്തിന്‍െറ പാത പിന്തുടര്‍ന്ന് പില്‍ക്കാലത്ത് മറ്റുപലരും ഇവിടെയത്തെി. ഇതോടെ ഇവിടം കാർഷിക കേന്ദ്രമായി മാറുകയായിരുന്നു . കവണാറ്റിൻകരയും , ചീപ്പുങ്കലും, കൈപ്പുഴമുട്ടും, അച്ചിനകവും തെക്കു ഭാഗത്തു അത്തിക്കളം, ഇല്ലിക്കളം, തെക്കും ഭാഗവും അടങ്ങുന്ന പാടശേഖര ഗ്രാമങ്ങൾ ഇന്ന് ആഗോള പ്രശസ്തമായ വില്ലജ് ലൈഫ് എക്സ്പീരിയൻസ് കേന്ദ്രങ്ങളാണ് അരുന്ധതി റോയിയുടെ ‘ഗോഡ് ഓഫ് സ്മാള്‍ തിങ്ക്സ്’ എന്ന പുസ്തകത്തിലൂടെയാണ് കുമരകം വായനാ സാഹിത്യ ലോകത്തു പ്രസിദ്ധമായത്. ഈ നോവല്‍ പശ്ചാത്തലമാക്കിയിട്ടുള്ള കുമരകത്തിന് സമീപമുള്ള അയ്മനം ഗ്രാമവും സഞ്ചാരികളുടെ പ്രിയ കേന്ദ്രമാണ്.

ജന്തുസസ്യജാലങ്ങളുടെ കലവറ

തെങ്ങിന്‍തോപ്പുകളും നെല്‍വയലുകളും ഒരുക്കുന്ന പച്ചപ്പാണ് കുമരകത്തിന്‍െറ സൗന്ദര്യം. വേമ്പനാട് കായലിന്‍െറ സാമീപ്യം ഈ സൗന്ദര്യത്തിന് മാറ്റേകുന്നു. ചതുപ്പ് നിലത്തിന്‍െറ സാന്നിധ്യം മൂലം കണ്ടല്‍മരങ്ങള്‍,പന തുടങ്ങിയ മരങ്ങളും ഇവിടെ ധാരാളമായി വളരുന്നുണ്ട്. മഴക്കാലമത്തെുന്നതോടെ കുമരകത്തെ പച്ചപ്പിന്‍െറ സൗന്ദര്യം അതിന്‍െറ പൂര്‍ണതയില്‍ എത്തുകയും ചെയ്യും. പക്ഷിനിരീക്ഷകര്‍ക്ക് വരുന്നൊരുക്കി സൈബീരിയന്‍ ക്രെയിനുകളടക്കം ദേശാടനപക്ഷികള്‍ 14 കിലോമീറ്റര്‍ വിസ്തൃതിയുള്ള പക്ഷി സങ്കേതത്തില്‍ എത്താറുണ്ട്. വേമ്പനാട് കായലിന് നടുവില്‍ കുമരകത്തിന് സമീപം സ്ഥിതി ചെയ്യുന്ന പാതിരാമണല്‍ ദ്വീപിലും ദേശാടനപക്ഷികള്‍ ധാരാളമായി കൂടൊരുക്കാറുണ്ട്. വേമ്പനാട് കായലാകട്ടെ കരിമീന്‍, ചെമ്മീന്‍,കക്ക തുടങ്ങി പലയിനം മല്‍സ്യങ്ങളുടെ ആവാസ കേന്ദ്രവുമാണ്

കുമരകം
കായലും കൃഷിയും കരുത്ത്

ടൂറിസമാണ് പ്രദേശത്തിന്‍െറ പ്രധാന സാമ്പത്തിക സ്രോതസ്. കൃഷിയും മല്‍സ്യബന്ധനവുമാണ് മറ്റ് വരുമാന മാര്‍ഗങ്ങള്‍. ജലസേചനത്തിനും യാത്രക്കുമായി മീനച്ചിലാറുമായി ബന്ധപ്പെടുത്തി നിര്‍മിച്ച ജലപാതകളും കനാലുകളും കുമരകത്തെ വ്യത്യസ്തമായ വിനോദസഞ്ചാരകേന്ദ്രമാക്കുന്നു. ഹൗസ്ബോട്ടിലെ ബാക്‌വാട്ടർ ക്രൂയിസ് അദ്‌ഭുത സ്‌തബ്‌ധമാവുന്ന ഒരു അനുഭവമാണ്.   മറ്റു വിനോദസഞ്ചാരകേന്ദ്രങ്ങളില്‍ നിന്ന് വ്യത്യസ്തമായി കുമരകത്തെ മനോഹര അനുഭവം ഹൗസ്ബോട്ടിലെ കായല്‍സഞ്ചാരമാണ്. ആലപ്പുഴയില്‍ നിന്നും ഹൗസ്ബോട്ടുകള്‍ വാടകക്ക് എടുത്ത് കുമരകത്ത് എത്തുന്ന സഞ്ചാരികള്‍ ധാരാളമുണ്ട്. ഹൗസ്ബോട്ടില്‍ നിന്നുള്ള അസ്തമന സൂര്യന്റെ വർണ്ണപ്രഭയുടെ വിസ്‌മയാവഹമായ കാഴ്ചയിൽ മതിമങ്ങി പോകുന്ന വരയേറെ പേരുണ്ട്, പകരം വെക്കാനില്ലാത്ത ഈ സംഗതിയെ മനോഹാരിതം എന്നെ പറയുവാൻ കഴിയുള്ളു. മരം കൊണ്ട് നിര്‍മിച്ച ഹൗസ്ബോട്ടുകളില്‍ പലതിലും നിരവധി ആധുനിക സൗകര്യങ്ങളുമുണ്ട്. എയര്‍ കണ്ടീഷന്‍,ഒന്നു മുതല്‍ മൂന്ന് ബെഡ്റൂമുകള്‍ വരെ, ടോയ്ലെറ്റ്,കിച്ചണ്‍,ബാല്‍ക്കണി,റെസ്റ്റ് ഏരിയ തുടങ്ങി വ്യത്യസ്ത സൗകര്യങ്ങളുള്ള ഹൗസ്ബോട്ടുകളില്‍ കോര്‍പ്പറേറ്റ് കോണ്‍ഫറന്‍സുകള്‍ വരെ സംഘടിപ്പിക്കാറുണ്ട്. സഞ്ചാരികളുടെ പോക്കറ്റിനണങ്ങും വിധം പകല്‍ സമയത്തുള്ള യാത്രയോ പകലും രാത്രിയുമുള്ള ഹൗസ്ബോട്ട് യാത്രകള്‍ തെരഞ്ഞെടുക്കാം. സീസൺ സമയമല്ലെങ്കിൽ ഹൗസ്ബോട്ട് വാടക നിരക്കില്‍ ആനുപാതികമായ കുറവുണ്ടാകും

വിനോദങ്ങൾ /ഉത്സവങ്ങൾ
കുമരകം വള്ളംകളി ഓണക്കാലത്ത് ഇവിടെയത്തെുന്ന സഞ്ചാരികളെ ഏറെ ആകര്‍ഷിക്കുന്നതാണ് കുമരകം വള്ളംകളി. ചുണ്ടന്‍ വള്ളങ്ങള്‍ക്ക് പുറമെ ഓടിവള്ളങ്ങളും,ചുരുളന്‍,ഇരുട്ടുകുത്തി വള്ളങ്ങളും അണിനിരക്കുന്ന മല്‍സരത്തിലെ വിജയികള്‍ക്ക് ശ്രീനാരായണ എവര്‍റോളിംഗ് ട്രോഫിയാണ് നല്‍കാറ്.
ഭക്ഷണപ്രിയരേ ഇതിലേ ഇതിലേ….

എവിടെ യാത്ര പോയാലും അവിടത്തെ തനത് ഭക്ഷണം ഒന്ന് രുചിച്ചുനോക്കാതെ പോകാത്തവര്‍ക്ക് കുമരകത്ത് നിന്ന് ലഭിക്കുക ഒരിക്കലും മറക്കാത്ത രുചികളാകും. കരിമീന്‍ പൊള്ളിച്ചത് ,ചെമ്മീന്‍ ഫ്രൈ, ഞണ്ട് ഫ്രൈ, ഫിഷ് മോളി,കരിമീന്‍ മപ്പാസ് ,കപ്പയും മീനും തുടങ്ങി മല്‍സ്യ വിഭവങ്ങള്‍ക്കൊപ്പം പാലപ്പം, മട്ടണ്‍ സ്റ്റ്യൂ,താറാവ് ഫ്രൈ,ബീഫ് ഫ്രൈ തുടങ്ങി കഴിച്ചാല്‍ വീണ്ടും കഴിക്കാന്‍ തോന്നുന്ന രുചിക്കൂട്ടുകള്‍ കുമരകത്തിന്‍െറ മാത്രം പ്രത്യേകതയാണ്. റിസോര്‍ട്ടുകള്‍,ബഡ്ജറ്റ് ഹോട്ടലുകള്‍,ഹോംസ്റ്റേകള്‍ തുടങ്ങിയവക്കൊപ്പം ശുദ്ധമായ അന്തിക്കള്ള് ലഭിക്കുന്ന ഷാപ്പുകളിലും വരെ ഭക്ഷണപ്രിയര്‍ ഈ ഭക്ഷണങ്ങള്‍ തേടിയത്തൊറുണ്ട്.

കാഴ്ചകള്‍ ഒരു പിടി

കായല്‍കാഴ്ചകള്‍ക്കും ഹൗസ്ബോട്ടിനും പുറമെ ചരിത്രപരവും സാംസ്കാരികപരവുമായി പ്രാധാന്യമുള്ള നിരവധി സ്ഥലങ്ങള്‍ കുമരകത്തും പരിസരത്തുമുണ്ട്. ടൂറിസം രംഗത്തെ പ്രാധാന്യം കണക്കിലെടുത്ത് സംസ്ഥാന സര്‍ക്കാര്‍ മേഖലക്ക് സ്പെഷ്യല്‍ ടൂറിസം സോണ്‍ പദവി നല്‍കിയിട്ടുണ്ട്. മാരാരിക്കുളം ബീച്ച് , പാതിരാമണല്‍, വൈക്കം ബീച്ച് എന്നിവക്ക് പുറമെ നൂറ്റാണ്ട് പഴക്കമുള്ള താഴത്തങ്ങാടി മുസ്ലിം പള്ളി,തിരുനക്കര മഹാദേവ ക്ഷേത്രം, ഏറ്റുമാനൂര്‍ മഹാദേവ ക്ഷേത്രം,വൈക്കം മഹാദേവക്ഷേത്രം , സെന്‍റ്.മേരീസ് ചെറിയപള്ളി, അതിരമ്പുഴ സെന്‍റ്.മേരീസ് ചര്‍ച്ച് എന്നിവയും സന്ദര്‍ശകരെ ആകര്‍ഷിക്കുന്നതാണ്.

Leave a Reply

Your email address will not be published. Required fields are marked *